عــــجــبـي عـلـي دي نـاس

عجبي علي اللي عايش شقيان وطالع عينه وسط الغيلان وفي ايده شقوق أخشنت من تعب الأيام داير

علي رجله من صباح ربنا يشقي علي لقمة

تكفي بيته المسكين شفتك يا شقيان بوسطجي يوصل جوابات لأفندي ولا لبيه من حر الصيف نايم في

تكييف يهوي ويبرد له مكانه وهو ولا علي باله

يشقي وعلق علي قلبه مراوح تزود التبريد مش بس جسمه بردان ده نفسه كمان بردانه لا شقي جسمه

ولا نفسه راضيه علي حاله وده حال فلاح

في الارض شقيان يزرع ويحصد ويأكل ملايين وزرعه مايدوقهوش ولاده ماهو يدوب يكفي بيعه مصاريفهم

وتعيلمهم وده حال راجل ماشي ورزقه علي

الله ينادي ويقول اصلح بواجير جاز يا عم فوق هو لسه حد بيصلح باجور جاز ما وصلكش أن البوتجاز باه

بالكهربا يصعب حاله علي الناس تمد ايدها في

جيوبها وتقوله الله يعينك يا غلبان وده حال موظف غلبان بيكفي بيته يا دوب ويقضي باقي ايامه يقول هاجيب

منين يا ناس بس أهي بتتقضي وبتعدي

وربك ما بيسبش غلبان وغيره موظف أتعود كل مصالح الناس عنده ماتعديش بلاش يفتح درجه للناس ويقول

لغيرهم هاتوا جرنال بس يكون مليان وده

حال زبال بيعدي علي البيوت يقول شوفولي هدمه تستر الواد وصاحبة البيت تقول كافيه عليه قميص

هنطمع الناس فينا يا ساتر علي دي ناس ودي

ست ماشيه في الشارع منحني ظهرها وشايله فوق راسها سبت مليان عيش توصله لهوانم في البيوت

حالها يصعب عليا واقول الله يعينك علي حالك

يا امي وده حال شغاله في البيت نحيل جسمها وهزيل من قلة أكل ولا من تعب ومجهود طول الشهر عشان

بس تكفي بيتها وعيالها هي تخدم

وتمسح وتكنس والهانم بتدور علي لون مانكير يمشي علي لون فستانها عجبي علي صبيه خرجت تشقي

وتسعي عشان تكمل باقي

جهازها اشتكت لابوها وقالت يا أبا نفسي في جهاز زي باقي البنات عريسي مستعجل يكون فرحنا علي

القريب يسكت الاب ويبص في الارض ويقول

ربك يعدلها يا بنتي تبكي البنت وتقول امتي بس يا أبا أمتي هتكمل فرحتي أنكتب علينا الشقي وبرده مش

قادرين يطبطب عليها ابوها بايده الخشنه

ويقولها أهو بتتقضي يا بنتي وربنا يساعدني علي سترتك وده حال صبيه مش عاجبها عيشتها تشخط وتنتطر

وتقول انا لازم يكون جهازي علي الفرازه

ومتكونش مخلوقه جابت قبلي ولا بعدي وابوها يضحك ويقول طبعا يا نور عيوني هو أنا هاجيب لمين غيرك

ويدلع فيها ويطبطب عليها وبرده مش عاجبها

حالها وتقوله طيب يلا يا دادي غيرلي العربية عشان نزل الموديل الجديد بوسه من هنا ومن هنا وحاضر يا نور

عيوني وتقابل حبيبها من ورا اهلها وتغلط

غلطة عمرها ومتقدرش معني الشرف ولا يفرق مع اهلها كمان ماهو امها مش فاضيه مشغوله عند الكوافير

وابوها تقلت حساب شركاته ويا دوب

يدفع من غير حساب وده حال تجار واصحاب عمارات يبنوا بيوت ويعلو في ايجارات يا ناس نجيب منين يقولك

أهو ده الحال هو انتم مش عايشين ولا مش

شايفين جري أيه للدنيا ده شقة الفول بقت تمليك قاصد يتريق علي خلق الله ماهو ركب العيون واتجعص

يبقي حقه ولا ايه يا ناس

وده حال شاب غلبان بيحوش من قوته كمان بس عشان يحوش تمن يومه اللي جائ يلبس قميص في

الصيف وفي الشتا يدفي نفسه بجكته دايبه

عمرها ما صدت برد ولا قدرت تحميه وأتفرج معايا وشوف شاب اهله رايجين بيبعزوا فلوس يمين وشمال

وابنهم طالع تلفان اتعرف علي شلة ياااه جنان

بودرة وحشيش يشربوا ويشموا ويقولوا لاهليهم هاتوا فلوس كمان وتنتهي نهايته بادمان ولا بسرقة أو حدثة

تقضي علي حياة ويفوقوا الاهل ويقولوا

ياريت اللي جري ما كان واتفرج علي حال الناس

وعجبي علي كل الناس اه عـــــــــــجــــــــــــبــــي