ما هى القوه العضليه وما هى انواعها.........

القوه العضليه
وهى مفهوم متعدد وشامل وممكن نعرفها بأنها هى قدره العضله او مجموعه العضلات على التغلب على المقاومات المختلفه او مواجهتها, وبالتالى فإن لاعب كمال الاجسام لما مثلا يرفع بار البنش دى قوه عضليه لانه بيتغلب على مقاومه هى الوزن , ولاعب الجرى لما بيجرى دى قوه عضليه لانه بيتغلب على مقاومه الهواء , ولاعب السباحه ايضا لما بيعوم دى قوه عضليه لانه بيتغلب على مقاومه الماءولكن تختلف نوع القوه العضليه تبعا لطبيعه وقوه المقاومه
وبالتالى فهى تنقسم لما يلى
1- القوه القصوى maximum strength
ونعرفها

بانها قدره العضله على اخراج اقصى قوه ممكنه نتتيجه انقباض عضلى ارادى واحد , زى لاعبى مسابقات القوه البدنيه ولاعبى رفع الاثقال ودفع الجلهاو ممكن نقول بمعنى مبسط اكتر انها القدره على اداء تكرار واحد فقط باقصى وزن ممكن .
2- القوه المميزه بالسرعه force
ودى بقى ممكن نعرفها بانها هى قدره العضله على التغلب المتكرر على المقاومات فى اقل فتره زمنيه ممكنه , طيب زى ايه ؟ زى لاعب الجرى المسافات القصيره ولا عب السباحه المسافات القصيره او زى لاعب كمال الاجسام لما بيشتغل تكرار بسرعه , طيب تكرارها بيبقى كام ؟ تكرارها بيبقى من 12 الى 15 تكرار باقصى سرعه .
3- التحمل العضلى strength endurance
اما دى بقى فممكن نعرفها بانها هى قدره العضله او مجموعه العضلات على بذل جهد متكرر بحمل اقل من الاقصى لاطول فتره زمنيه قبل ظهور التعب ؟ يعنى ايه يا عم الكلام المكعبل ده ؟ يعنى مثلا زى لاعب كمال الاجسام خلال التصفيه لما بيعلى التكرار ال25 او 30 مثلا وطبعا ما بيبقاش الوزن قليل اوى بيبقى متوسط , او زى لاعب الجرى المسافات الطويله او سباحه المسافات الطويله ودى بقى تكرارها بينقسم ال3 انواع
1- تحمل قصير المدى من 25 تكرار الى 50 تكرار
2- تحمل متوسط المدى من 50 تكرار ال70 تكرار
3- تحمل طويل المدى من 75تكرار الى 100 تكرار
ونلاحظ يا شباب ان الكلام ده عام يعنى على كل الانشطه الراضيه مش على كمال الاجسام بس.

وخلى بالك الكلام ده مهم لان انت كراجل لاعب كمال اجسام فانت ابو القوه العضليه فلو سالك لاعب سباحه او العاب قوى او كره قدم انى اشتغل ازاى حديد ما ينفعش تشغله زيك انت لان لعبته بتحتم عليه ظروف معين يلعب فيها وقدرات خاصه لازم تتوافر فيه ,