لستات هم السبب في صلع الرجاله !

ازيكم يا جماعه شوخباركم كلكم .. عسى تكونوا بخير و الله

انا هنا علشان اصحح مفهوم عشنا طول عمرنا معتقدينه بس طلع غلط huh.gif
و كلامي كلام علمي و جايبه من كتاب علمي و مترجم عن كتاب اجنبي كمان

يا جماعه الرجاله دول غلااااااابه جدا و الستات مفتريين علينا
و هم السبب المباشر في ان الرجاله بتصلع و تفقد شعرها يا ولداه ohmy.gif

و ده بيحصل بطريقتين

أول طريقه و هي ان الستات من كتر افعالهم الغريبه بيخلوا الرجاله يشدوا في شعرهم لحد ما يختفى واحده واحده يا حرام

الطريقه التانيه بأه طريقه علميه و عايزه منكم تركيز كبيــــر
الكلام سهل و متبسط خالص و مفيهوش تعقيد

طبعا كلنا عارفيــن ان الجنين لما بيتكون في بطن امه بيحدد نوعه حاجه اسمها الكروموزومات
و الكروموزومات دى بتتاخد من الاب و الام .. و الكروموزومات دى هى الكرموزوم X و الكرموموزوم Y
البنت بتبقى XX و الولد بيبقى XY
و كمان كلنا عارفين ان الراجل هو المسئول عن تحديد جنس المولود لان الست عندها XX و الراجل بيبقى عنده واحده X و واحده Y
لو الـ X بتاعة الراجل راحت مع X من عند الست يبقى المولود بنت , و لو الـ Y هي اللى راحت يبقى المولود ولد

لحد دلوقت الكلام سهل و مفيهوش صعوبة .. نخش في التقيل

في جينات عند كل انسان مسئوله عن الصفات بتاعته .. يعنى لون العين و الطول و القصر و لون الشعر و لون البشره و ............... و كل الصفات
الجينات دي بتبقى موجوده على الكروموزومات بتاعة تحديد الجنس اللى هي X , Y
طيب نيجي بقه لنقطه مهمه و هي ان في صفات سايده و صفات متنحيه و لو الاتنين اتقابلوا عند الجنين فالصفه السايده هى اللى هتظهر في المولود لكن المتنحيه هتبقى موجوده عنده و ممكن تظهر في حد من اولاده .. يعنى خد عندك
العينين العسلي سايده على العينين الزرقا يعنى لو واحد خد من والده صفة العين العسلي و من والدته صفة العين الزرقا هيطلع عينه عسلي بس الجين اللى فيه صفة العين الزرقا موجود عنده بس متنحى و ممكن يظهر في اي حد من اولاده
بمعنى تانى .. لو كروموزوم X مثلا عليه جين العين الزرقا اتقابل مع كروموزوم Y عليه عين عسلي هيطلع المولود ولد عينه عسلي

حد فاهم حاجه ؟ NIXWEISS.GIF انا متأكد انكم مش فاهــ .... قصدي فاهمين طبعا tongue.gif و علشان كده هكمل الكلام و اصدعلكوا دماغكوا

جميل الكلام

طيب نيجي للصفه الوراثيه اللى احنا عايزينها و فاتحين الموضوع علشانها و هي صفة الصلع من عدمه
هنلاقي ان في البشر الراس ام شعر سايده على الراس الصلعا
كده وصلنا لمرحله حلوه أوى .. ياريت تفتح عينك و تصحصح كده علشان الحته اللى جايه دي مهمه جدا و هي لب الموضوع
طبعا معظم الناس الصلع رجاله مش ستات و من ده تقدر تقول ان الجينات بتاعة الصلع دى لازم تكون موجوده على الكروموزوم Y .. لكن للاسف هتكون غلطان excl.gif excl.gif excl.gif
الواقع ان الصلع الوراثي بتسببه صفات متنحيه موجوده على الكروموزوم X

السبب فى ندرة وجود ست بصلعه هو ان الستات حتى لو كان فيهم صفة الصلع على واحد من الكروموزومين X اللى عندها فالصفه اللى ع التانى هتكون دايما للشعر الطبيعي

لكن الصفه بتظهر في الرجاله لأن الكروموزوم Y معليهوش جين لصفة الصلع خاااااالص , و في غياب الصفه السايده الجين المتنحى بيعبر عن نفسه

يعنى من الاخر الراجل الاصلع بيبقى وارث الصلع من الست والدته مش من والده مطلقا لأن هى اللى مدياله الكروموزوم X يعنى متخافش لو والدك اصلع .. لكن اللى تخاف منه لو جدك ابو والدتك هو اللى اصلع و بكده ممكن يكون عند والدتك جين عليه صفة الصلع بس طبعا مش ظاهر عندها و ممكن يظهر عندك انت يا كتكوت wacko.gif

شفتوا بأه اللفه دي wacko.gif
و تلاقيك يا حرام ظالم والدك و مرعوب تطلع اصلع زيه
no2.gif لا يا خويا متخافش من والدك بس خاف من والدتك yes.gif و دور في تاريخ عائلة والدتك و شوف لو في حد اصلع يبقى انت مهدد بطيران شعر راسك يا باشا

هههههههههههههههههههه ياعم دول احسن ناس تاخد وبعدين الستات دول ولا بلاش ربنا يجعل كلامنا خفيف عليهم....تسلم يا صاحبى ع الرد