المكرونة بالبشاميل

طريقه عمل المكرونه بشاميل

المكونات

كيس مكرونه اقلام نص كيلو

نصف كيلو لبن حوالي كوبيتين

كوبايتين من الشوربه

خلطه بشاميل جاهزه فاين فودز او ماجي

ولو مش موجوده يبقى 4 ملاعق دقيق

ربع كيلو لحم مفروم

بصله كبيره مقطعه صغير

ملعقتين صلصه

بيضه او 2

ملح وفلفل اسمر


الطريقه

تسلق المكرونه وتعصج اللحمه بالبصل وتضاف اليها الملح والفلفل الاسمر ومعقتين الصلصه

لعمل البشاميل

نضع الدقيق ثم اللبن والشوربه وبالمضرب اليدوي او بالمعلقه ونقلبهم كويس جداا وهمه على النار بس نهدي النار عليها

وينضربو او يقلبو بالمعلقه لحد ما ينهد حيلك لانها متعبه

لحد ما نلاقيها تماسكت وبقيت زي المهلبيه بعدها هنحط ملح وفلفل ونسيبها

لكن لو جيبنا خلطه البشاميل الجاهزه فاين فودز او ماجي كل اللي علينا هنغلي الشوربه وبعدين نحط اللبن بارد ثم الخلطه

بس نحطها شويه شويه مش كلها مره واحده ونقلب شويه صغيرين وعلى نار متوسطه حوالي 5 دقايق تقليب وتكون خلصت ان شاء الله

بعد كده هنجيب صنيه وندهنها بمعلقه او 2 من البشاميل

وبعدها نحط نصف كميه المكرونه وفوقها اللحمه المفرومه المعصجه وفوقهم نحط كميه بسيطه من البشاميل حوالي 5 ملاعق كبيره

وبعدها باقي المكرونه فوق الوش وتساوى جيداا

وفوقهم باقي البشاميل

وبعد كده نضرب بيضه او 2 كويس بالشوكه ونحطهم على الوش

وبعد كده تتحط في فرن متوسط الحراره

ونسيبها حوالي نص ساعه

وبالهنا والشفا